Knikkie naskoolsentrum
Tuis... Net soos by die huis!
Pappa’s en mamma’s kan met geruste harte hulle kleuters in die sorg van ons toegewyde naskoolpersoneel laat. Daar word met liefde na elkeen se behoeftes omgesien.
Na hul oggendprogram ontvang elke kleuter ’n smaaklike middagete.
Elke middag word daar ’n uur gerus om die batterye weer te laai.
Spel vorm die belangrikste deel van ons kleuters se middagprogram. Kleuters speel onder toesig van personeel in die sandput, op klimrame of met verskeidenheid speelgoed.
Om ons ouers deel te laat wees van die tye wat hulle weg is van hulle kleuter, gee ons weekliks ‘n “Knikkie-nuusbriefie” uit oor watter aktiwiteite die leerders elke middag gaan doen en wat hulle te ete gaan kry (dan kan die Mamma’s daarvolgens die kleuter se aandete beplan).
Ons bied die volgende:
- 'n Veilige, gelukkige en interessante omgewing.
- Vriendelike personeel wat omgee vir kleuters.
- Sosiale interaksie met maats van eie portuurgroep.
- Opvoedkundige speelapparaat.
- Vakansieprogramme.
- Een-dag-diens vir ouers in nood.
Dagprogram:
| Tye | Gr R & Gr00 |
| 13:00 - 13:30 | Middagete |
| 13:45 - 14:30 | Slaap / rus |
| 14:30 - 15:45 | Uitgewerkte aktiwiteite |
| 15:45 - 16:00 | Broodjies / vrugte en koeldrank |
| 16:00 - 17:00 | Buite spel |
| 17:30 | Naskool sluit |
Spyskaart vir middagetes
| Maandag | Kerrie en rys, Vrug, Koeldrank |
| Dinsdag | Kookkos en poeding, Iets te drinke, |
| Woensdag | Pasta, Droëvrugte, Sap |
| Donderdag | Kookkos en poeding, Iets te drinke |
| Vrydag | Hamburger, Verrassing, Melk |
Fooie
R400 per maand